NepalWatch

News Portal For Eeverything In Nepal from Nepal

२०८१ साउन ३ गते

प्रधानमन्त्री भेट्न रवि पुगे बालुवाटार, मन्त्रीमा नियुक्त गर्न दबाब

काठमाडौं । पूर्वउपप्रधानमन्त्री रवि लामिछानेले प्रधानमन्त्री पुष्पकलम दाहाल प्रचण्डसँग भेटवार्ता गरेका छन् ।

नागरिकता सम्बन्धी मुद्दामा शुक्रबार सर्वोच्च अदालत लामिछानेलाई दोषी ठहर गर्दै उनलाई सांसद र मन्त्रीबाट पदमुक्त गरेको थियो ।

अदालतको फैसलापछि उनले आइतबार जिल्ला प्रशासन कार्यालयबाट पुनः नागरिकता लिएपछि प्रधानमन्त्रीलाई भेट्न उनी दिउँसो बालुवाटार गएको स्रोतले बताएको छ ।

भेटवार्तामा रविले पुनः सोही पदमा नियुक्त गर्न प्रचण्डलाई दबाब दिइएको बुझिएको छ ।

त्यसअघि रविलाई पुनः मन्त्रीमा नियुक्त गर्न एमाले अध्यक्ष ओलीले प्रधानमन्त्रीलाई दबाब दिएको बुझिएको छ । रविले भेटे लगत्तै प्रधानमन्त्रीलाई भेट्न ओली बालुवाटार गएका छन् ।

आइतबार बसेको रास्वपाको बैठकले रविलाई सभापति बनाएको थियो ।