एमालेलाई राप्रपा सांसद राणाको चेतावनी, यही संविधानमा रहेर राजतन्त्र पुर्नस्थापना गर्छौं

काठमाडौं । राष्ट्रिय प्रजातन्त्र पार्टीका सांसद धबल शमशेर राणाले अहिलेकै संविधानमा टेकेर राजतन्त्र पुर्नस्थापना गर्ने चेतावनी दिएका छन् ।
बुधबार प्रतिनिधिसभाको विशेष समयमा बोल्दै सनातन हिन्दूराज्य र राजतन्त्र स्थापना गर्न कसैले रोक्न नसक्ने उनले जिकिर गरे । प्रतिनिधिसभामा एमाले सांसद रघुवीर पन्तले राप्रपाका सांसद र मन्त्री संविधान बाहिर गएर गणतन्त्रविरुद्ध बोलेको आरोप लगाउँदै आलोचना गरेका थिए ।
त्यसको प्रतिवाद गर्दै राणाले राजतन्त्र पुर्नस्थापना गर्न संविधानले नरोक्ने चेतावनी दिए । ‘हाम्रो पार्टी संख्यामा सानो भएपनि जनताको मनमा बस्न सफल भएको छ । एक जना माननीयले हामीलाई संविधान विपरित बोलेको आरोप लगाएका छन्’, उनले भने, ‘म चेतावनी दिन चाहन्छु सनातन हिन्दूराज्य र राजतन्त्र पुर्नस्थापनाका लागि संविधानले रोक्न सक्दैन । हामी विद्रोह नगरी यही संविधानमा टेकेर उपयुक्त समयमा राजसंस्था पुर्नस्थापना गरी छाड्छौं ।’
सत्ता साझेदार दल एमाले र राप्रपाका नेताहरूबीच संघीयता, संविधानको विषयमा संसदमा घोचपेच चलेको थियो ।
ताजा अपडेट
-
विशेष अदालतको फैसलामाथि अख्तियारले दियो सर्वोच्चमा पुनरावेदन
-
भारतीय प्रधानमन्त्रीसँग राम्रो कुराकानी भयो : प्रधानमन्त्री ओली
-
घुस लिएको आरोपमा मालपोत कार्यालय जलेश्वरका नायब सुब्बासहित ३ जनामाथि आरोपपत्र दायर
-
नेपाल लाइफ ‘बेस्ट लाइफ इन्स्योरेन्स’ अवार्डबाट सम्मानित
-
बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न
प्रतिक्रिया