काठमाडौं । सुनचाँदी बजारमा बिहीबार घटेको सुनको मूल्य शुक्रबार पनि घटेको छ । आज छापावाल सुनको मूल्य अघिल्लो कारोबार दिनको तुलनामा प्रतितोला एक सय रूपैयाँ घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य एक लाख २ हजार चार सय रूपैयाँ कायम भएको छ । अघिल्लो दिन सुनको मूल्य प्रतितोला एक लाख २ हजार पाँच कायम भएको थियो।

त्यस्तै आज तेजाबी सुनको मूल्य प्रतितोला १ लाख एक जार ९ सय रूपैयाँमा कारोबार भइरहेको छ ।

बिहीबार १० रूपैयाँ घटेर एक हजार २८५ रूपैयाँमा कारोबार भएको चाँदी आज पनि १० रूपैयाँ नै घटेर एक हजार २७५ रूपैयाँमा कारोबार भइरहेको महासंघले जनाएको छ ।

महासङ्घले अन्तरराष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।