काठमाडौं । सुनचाँदी बजारमा आज छापावाल सुनको मूल्य अघिल्लो कारोबार दिनको तुलनामा प्रतितोला ४ सय रूपैयाँ घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य एक लाख २ हजार रूपैयाँ कायम भएको छ । अघिल्लो दिन सुनको मूल्य प्रतितोला एक लाख २ हजार चार सय रूपैयाँ कायम भएको थियो।

त्यस्तै आज तेजाबी सुनको मूल्य प्रतितोला १ लाख एक हजार पाँच सय रूपैयाँमा कारोबार भइरहेको छ ।

आज चाँदी प्रतितोला १५ रूपैयाँ घटेर एक हजार २६० रूपैयाँमा कारोबार भइरहेको छ । शुक्रबार चाँदी एक हजार २७५ रूपैयाँमा कारोबार भएको थियो ।

महासङ्घले अन्तरराष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।