नेपाल पे स्क्यान गरी भुक्तानी गर्दा १० प्रतिशतदेखि एकसय रुपैयाँसम्म क्यास ब्याक

नेपालवाच २०७९ फागुन १७ गते १४:५८

काठमाडाैं । नेपाल क्लियरिङ हाउस (एनसीएचएल) ले नयाँ स्कीम सञ्चालनमा ल्याएको छ । अब हरेक बुधबार नेपाल पे स्क्यान गरी बिल भुक्तानी गर्दा १० प्रतिशतदेखि एक सय रुपैयाँसम्म क्यास ब्याक प्राप्त हुने एनसीएचएलले जनाएको छ ।

यो अफर भने केएफसी नेपाल, पिज्जा हट नेपाल र क्रिम बेल आइसक्रिमका ग्राहकहरुको लागि मात्रै मान्य हुने छ । क्यासब्याक रकमै भुक्तानी गरेको ग्राहकको खातामै जम्मा हुने छ ।

एनसीएचएलका अनुसार यो योजना आज (फागुन १७ गतेदेखि लागु भई जेठ १७ गतेसम्म सञ्चालन हुने छ । भुक्तानीको लागि नेपाल पे चल्ने कुनै पनि मोबाइल बैंकिङ, वालेट वा कनेक्ट आइपिएस प्रयोग गर्न सकिने छ ।