काठमाडौं । माधव नेपाल नेतृत्वको एकीकृत समाजवादी परित्याग गरेका पूर्वमन्त्री मुकुन्द न्यौपानले सो पार्टीका नेता तथा कार्यकर्ताको ठूलो समूह असन्तुष्ट रहेको र पुरानो पार्टी एमाले फर्कंन लागेको दाबी गरेका छन् ।

स्थापनाकालदेखि नै एकीकृत समाजवादीमा आबद्ध न्यौपानेले शनिबार आयोजित पत्रकार सम्मेलनमा यस्तो दाबी गरेका हुन् ।

‘एकीकृत समाजवादीको भविष्य नदेखेपछि देशभरका दुई तिहाइ नेता तथा कार्यकर्ता एमालेमा फर्कंने तयारीमा छन्,’ उनले भने ।

सम्मानजनक स्थान पाए पार्टीका नेता झलनाथ खनालसमेत एमालेमा फर्कंने उनले दाबी गरे ।

उनले अगाडि भने, ‘सम्मानजनक स्थान पाए झलनाथ खनाल पनि एमालेमा फर्कंनु हुन्छ ।’