सुनचाँदीको मूल्य घट्यो
काठमाडाैं । आइतबार स्थिर सुनको मूल्य सोमबार घटेको छ । नेपाल सुनचाँदी व्यवसायी महासंघका अनुसार आज छापावाल सुन अघिल्लो कारोबारको तुलनामा ७ सय रूपैयाँ घटेर एक लाख ९ हजार तीन सय रूपैयाँमा कारोबार भइरहेको छ ।
आइतबार सुनको मूल्य प्रतितोला एक लाख १० हजार रूपैयाँमा कारोबार भएको थियो । आज तेजावी सुनको मूल्य एक लाख ८ हजार ८ सय रूपैयाँ कायम भएको छ ।
त्यस्तै आज चाँदीको मूल्यसमेत घटेको छ । आज चाँदी प्रतितोला १० रूपैयाँ घटेर एक हजार चार सय ३० रूपैयाँमा कारोबार भइरहेको महासंघले जनाएको छ ।
प्रतिक्रिया