काठमाडाैं । साताको पहिलो कारोबार दिन आइतबार सुनको मूल्य घटेको छ । नेपाल सुनचाँदी व्यवसायी महासंघका अनुसार गत शुक्रबारको तुलनामा आइतबार सुनको मूल्य प्रतितोला ९ सय रूपैयाँ घटेर एक लाख ९ हजार तीन सय रूपैयाँमा कारोबार भइरहेको हो ।

गत शुक्रबार छापावाल सुन प्रतितोला एक लाख १० हजार २ सय रूपैयाँमा कारोबार भएको थियो । आइतबार तेजावी सुनको मूल्य प्रतितोला एक लाख ८ हजार ८ सय कायम भएको छ ।

त्यस्तै आज चाँदी ५ रूपैयाँ घटेर एक हजार ४४० रूपैयाँमा कारोबार भइरहेको महासंघले जनाएको छ । शुक्रबार चाँदी प्रतितोला एक हजार ४४५ रूपैयाँमा कारोबार भएको थियो ।