काठमाडाैं । बुधबार बढेको सुनको मूल्य बिहीबार सामान्य घटेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक सय रूपैयाँ घटेर एक लाख ९ हजार ६ सय रूपैयाँमा कारोबार भइरहेको छ ।

बुधबार छापावाल सुन प्रतितोला एक लाख ९ हजार सात सय रूपैयाँमा कारोबार भएको थियो । त्यस्तै आज तेजावी सुन प्रतितोला एक लाख ९ हजार एक सय रूपैयाँ कायम भएको छ।

बिहीबार चाँदी स्थिर रहेको छ । महासंघका अनुसार आज चाँदी बुधबारकै मूल्य अर्थात एक हजार ४१५ रूपैयाँमा कारोबार भइरहेको छ ।