काठमाडौं । मन्त्रिपरिषदलाई पूर्णता दिनका लागि प्रधानमन्त्री पुष्पकलम दाहाल प्रचण्डले बोलाएको सत्ता गठबन्धन दलहरूको बैठक बालुवाटारमा जारी छ ।

रास्वपाले पुरानै मन्त्रालयको जिम्मेवारी दिए सरकारमा जाने बताएपछि त्यसबारे छलफल गर्न प्रधानमन्त्रीले गठबन्धन दलहरूको बैठक बोलाएका हुन् ।

बिहीबार रास्वपाका सभापति रवि लामिछानेले प्रधानमन्त्रीलाई भेटेर सरकारको न्यूनतम साझा कार्यक्रम पुनर्लेखन र पुरानै मन्त्रालयको जिम्मेवारी दिए सरकारमा जाने बताएका थिए ।

लामिछानेको प्रस्तावमाथि सकारात्मक देखिएका प्रचण्डले दलहरूसँग छलफल गरेर जवाफ दिने बताएका थिए । बालुवाटारको जवाफ कुरेको रास्वपाले शुक्रबारसम्मका लागि केन्द्रीय समिति बैठक स्थगित गरेको छ ।