काठमाडौं । एमालेका उपमहासचिव प्रदीप ज्ञवालीले नक्कली भुटानी शरणार्थीमा नाम जोडिएकालाई कांग्रेसले संरक्षण गरेको आरोप लगाएका छन् । शरणार्थी प्रकरणमा मुछिएका नेतालाई एमालेले कारवाही गरेपनि कांग्रेसले संरक्षण दिएकोमा उनले असन्तुष्टी जनाए ।

‘नक्कली शरणार्थीमा तथ्यले दोषी देख्छ भने जो कोही पनि दण्डित हुनै पर्छ । यो सानो ठगी, अपराध मात्रै होइन, नागरिकलाई अनागरिक बनाएर बाहिर पठाउने भन्ने हो । हाम्रो हिजोसम्म सचिव रहनुभएको साथी जोडिनुभयो, छानबिनलाई सजिलो होस् भन्नका निमित्त हामीले निलम्बन गर्‍यौं, तर, अर्को पार्टीले संरक्षण नै गरिराखेको छ’, बिहीबार पोखरामा उनले भने ।

यो प्रकरणमा जोडिएका जनसुकै तहका व्यक्ति भएपनि दोषी प्रमाणित भए कारवाही गर्न उनले सरकारसँग आग्रह गरे ।