नौ महिनामा कति भित्रियो स्मार्टफोन?

काठमाडाैं । नेपालमा स्मार्टफोनको बढ्दो क्रेज छ । अहिले सबैको हातहातमा स्मार्टफोन देख्न सकिन्छ । स्मार्टफोनमै वार्षिक अर्बो रुपैयाँ रकम बाहिरिरहेको छ ।
चालु आर्थिक वर्ष ०७९/८० को पहिलो ९ महिनामा १८ अर्ब रूपैयाँ बराबरको स्मार्टफोन नेपाल भित्रिएको छ । भन्सार विभागको तथ्यांकअनुसार र चालु आवको साउनदेखि चैत्रमसान्तसम्ममा १८ अर्ब ६६ करोड ४३ लाख रूपैयाँ बराबरको स्मार्ट फोन स्मार्टफोन आयात भएको हो ।
सो मूल्य बराबरको स्मार्टफोन आयात हुँदा सरकारले ३ अर्ब ४८ करोड ३९ लाख ९ हजार रुपैयाँ राजश्व संकलन गरेको भन्सार विभागले जनाएको छ ।
त्यस्तै चालु आवको ९ महिनामा ३२ करोड ३३ लाख रुपैयाँ बराबरको स्मार्टवाच आयात भएको विभागको तथ्यांक छ । सो मूल्य बराबरको स्मार्टवाच आयात हुँदा सरकारले १० करोड २ लाख रुपैयाँको राजश्व उठाएको छ ।
नौ महिनासम्मको अवधिमा नेपालमा ३३ करोड ९० लाख रुपैयाँ बराबरको हेडफोन/इयरफान आयात भएको छ । त्यस्तै १४ करोड रुपैयाँ बराबरको मोबाइल चार्जर आयात भएको विभागको तथ्यांक छ ।
ताजा अपडेट
-
सङ्घीय संसद्का दुवै सदनको बैठक बस्दै, नीति तथा कार्यक्रम पारित गरिने
-
आजको मौसम पूर्वानुमान : पहाडी भू भागमा आंशिक बदली हुन
-
सुरु भयो यस वर्षको सर्वोच्च शिखर आरोहण, ४२१ चुचुरोतिर
-
तीन प्रदेशमा मेघ गर्जन र चट्याङसहित वर्षाको सम्भावना
-
‘भारतबाट जिटुजीमार्फत मल आउँदै छ, यस वर्ष अभाव हुन्न’
प्रतिक्रिया