काठमाडौं । राष्ट्रिय जनमोर्चाका अध्यक्ष चित्रबहादुर केसीले सरकारको नीति तथा कार्यक्रमबाट संघीयता शब्द हटाउन माग गरेका छन् ।

आइतबार संसदमा नीति तथा कार्यक्रमामाथि संशोधन प्रस्ताव दर्ता गर्दै उनले बुँदा नम्बर १ मा भएको संघीयता शब्द खारेज गर्न माग गरेका हुन् ।

‘राष्ट्रिय जनमोर्चाले सुरुदेखि नै नेपालमा संघीयता काम छैन् भनेर आवाज उठाउँदै आएको हाे । सरकारले संसदमा प्रस्तुत गरेको बुँदा नम्बर १ बाट संघीयता शब्द हटाउन आग्रह गर्न चाहन्छु ’ उनले भने, ‘ नेपालले सेतो हात्ती पाल्न सक्दैन् । संघीयता कायमै राख्ने हो भने यसले लोकतन्त्र र गणतन्त्रलाईसमेत समाप्त पार्छ ’

सरकारको नीति तथा कार्यक्रममा सत्तापक्ष र प्रतिपक्षसहित २० जना सासंदले संशोधन प्रस्ताव दर्ता गरेका छन् ।