तीन महिना सडक खन्न रोक, अटेरी गरे कारबाही हुने

गड्डाचौकीमा ‘अल्फा’ र ‘डेल्टा’ को ‘ड्युटी’

तीन महिना सडक खन्न रोक, अटेरी गरे कारबाही हुने

नेपालवाच २०८० जेठ २५ गते ८:२३

काठमाडौं । असार १ गतेदेखि भदौसम्म तीन महिना सडक खन्न सरकारले रोक लगाएको छ ।

वर्षायाममा सडक खन्दा थप बिग्रने र त्यसक्रममा क्षति पुगेका पानी, बिजुली, टेलिफोनलगायत पूर्वाधार मर्मत गर्न विलम्ब हुने भएकाले सडक विभागले तीन महिना सडक खन्न प्रतिबन्ध लगाएको हो ।

विभागले एक सूचना जारी गरी संघीय सडक सुपरीवेक्षण तथा अनुगमन कार्यालय काठमाडौं र सडक डिभिजन मातहतका कुनै पनि सडक खन्ने स्वीकृति नदिने उल्लेख गरेको छ ।

विभागको निर्देशनको बर्खिलापमा गई कसैले सडक खन्ने काम गरेमा सार्वजनिक सडक ऐन, २०३१ अनुसार कारबाही हुने चेतावनी विभागले दिएको छ ।