काठमाडौं । सर्वोच्च अदालतले राष्ट्रपति रामचन्द्र पौडेलले प्रमाणीकरण गरेको नागरिकता विधेयकको प्रतिलिपि झिकाउन आदेश दिएको छ।

शुक्रबार सर्वोच्चका न्‍यायाधीशद्वय प्रकाशमान सिंह राउत र सुष्मालता माथेमाको संयुक्त इजलासले  प्रमाणीकरण भएको विधेयकको प्रतिलिपि झिकाउन आदेश दिएको हो।

जेठ १२ गते मन्त्रिपरिषद्ले गरेको सिफारिसको आधारमा राष्ट्रपति पौडेलले १७ गते प्रमाणीकरण गरेका थिए । राष्ट्रपतिले गरेको उक्त प्रमाणीकरण संविधानविपरित भएको जिकिर गर्दै अधिवक्ता सुरेन्द्र भण्डारीले सर्वोच्चमा मुद्दा दायर गरेका थिए ।

अन्तरिम आदेश दिने/नदिने विषयमा जेठ ३० गते दुवै पक्षलाई उपस्थितिका लागि बोलाएको छ ।