गैरकानुनी रूपमा पक्राउ गरिएको भन्दै बालुवाटार काण्डका तीन आरोपित सर्वोच्चमा

एसियाली छनोटः समूह विजेता बन्ने लक्ष्यसहित आज मलेसियाविरुद्ध भिड्दै नेपाल

गैरकानुनी रूपमा पक्राउ गरिएको भन्दै बालुवाटार काण्डका तीन आरोपित सर्वोच्चमा

नेपालवाच २०८० असार १४ गते १५:४७

काठमाडौं । बालुवाटारस्थित सरकारी जग्गा कीर्ते मुद्दामा पक्राउ परेका तीनजना सर्वोच्च अदालत पुगेका छन् ।

आफूहरूलाई गैरकानुनी रूपमा पक्राउ गरिएको भन्दै भाटभटेनी सुपरमार्केटका सञ्चालक मीनबहादुर गुरुङ, धर्मप्रसाद गौतम र पूर्वप्रमुख निर्वाचन आयुक्त सुधीरकुमार शाहले सर्वोच्चमा बन्दीप्रत्यक्षीकरणको रिट निवेदन दर्ता गराएका हुन् ।

आफूहरूलाई विनाशर्त रिहा गरिनुपर्ने उनीहरूको माग छ । यो निवेदनमाथि भोलि सुनुवाइ हुने जनाइएको छ ।

मंगलबार नेपाल प्रहरीको केन्द्रीय अनुसन्धान ब्यूरो (सिआइबी) ले सातजनालाई यो प्रकरणमा पक्राउ गरेको थियो । उनीहरूमध्ये चारजना सोही दिन छुटेका हुन् ।