विराटनगर । एमालेले गृहमन्त्रीको राजीनामा माग्यो भन्दैमा राष्ट्रिय स्वतन्त्र पार्टीले नमाग्ने पार्टी सभापति रवि लामिछानेले बताएका छन् ।वास्तविकता थाहा पाएर गलत हो भने मात्रै आवाज उठाउने उनले बताए ।

अरुले जे गर्यो त्यही स्वतन्त्र पार्टीले नगर्ने बताउँदै उनले भने, ‘हामी धैर्य गर्छौं । वास्तविकता थाहा पाएर मात्रै सडक/सदनमा कुरा गर्छौं ।’

शनिबार विराटनगरमा पत्रकारसँग कुरा गर्दै सभापति लामिछानेले सुन बरामद प्रकरणमा अनुसन्धान जारी भएकोले यसबारे थप टिप्पणी गर्न नहुने बताए । यद्यपी, सेटिङबिना त्रिभुवन विमानस्थलबाट सुन तस्करी हुन नसक्ने उनको दावी छ ।

उनले भने, ‘ बिनासेटिङ, मिलेमतो नभएर सम्भव छैन । तर कुन लेबलको, कुन ढंगको हो भन्ने अनुसन्धान गर्नुपर्छ ।’