NepalWatch

News Portal For Eeverything In Nepal from Nepal

२०८१ असार ३० गते

झुटो प्रमाणपत्रका आधारमा शिक्षक नियुक्त हुँदा अख्तियारको फन्दामा

काठमाडौं । धनुषास्थित श्री नवयुवक आधारभूत विद्यालयमा कार्यरत राहत शिक्षक सीता कुमारी यादवविरूद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ ।

यादवको शैक्षिक योग्यताको प्रमाणपत्र नक्कली भएको भन्दै उजुरी परेको थियो ।

सोही उजुरीमाथि अनुसन्धान गर्दा उनले साबिक श्री नवयुवक जनता प्राथामिक विद्यालयमा प्रा.वि तहको अस्थायी राहत शिक्षकमा नियुक्त हुँदा झुटो प्रमाणपत्र बुझाएको पाइएको छ ।

उनले बिहार संस्कृत शिक्षा बोर्ड, पटना, भारतबाट मध्यमा तह उत्तीर्ण गरेको भन्दै नक्कली प्रमाणपत्र बुझाएको पाइएको हो ।

यसरी नक्कली प्रमाणपत्रको आधारमा शिक्षकको हैसियतमा लाभ लिइएको भन्दै आयोगले उनीविरूद्ध आज विशेष अदालत काठमाडौंमा मुद्दा दायर गरेको हो ।