काठमाडौं । इलाका प्रहरी कार्यालय बुटवलका तत्कालीन प्रहरी नायब उपरीक्षक(डिएसपी) ठगबहादुर केसी बर्खास्त भएका छन् ।

सुनचाँदी व्यवसायीसँग घुस लिएको आरोप लागेका उनलाई आज गृह मन्त्रालयले बर्खास्त गरेको हो ।

यसअघि प्रहरी प्रधान कार्यालयले उनलाई बर्खास्त गर्नका लागि मन्त्रालयमा सिफारिस गरेको थियो ।

अनुसन्धानको क्रममा डीएसपी केसीको निवासबाट प्रहरीले ३५ तोला सुन, ८ लाख ५० हजार रुपैयाँ नगद, ९ लाख ५० हजार रुपैयाँको चेक बरामद गरेको थियो ।