काठमाडौं । दुबई जान लागेका एक फिलिपिन्सका नागरिक अवैध रकमसहित त्रिभुवन विमानस्थलबाट पक्राउ परेका छन् ।

फ्लाई दुबईको FZ ११३४ उडानमार्फत काठमाडौंबाट दुबई जाने क्रममा फिलिपिन्सका ३२ वर्षीय आर्सेनियो जूनियर मेसालाई नेपाल प्रहरीले पक्राउ गरेको हो ।

बिहीबार बिहान ७ बजे सेकुरिटी चेकिङ्गको क्रममा समातिएका आर्सेनियोको साथबाट अबैध नेपाली मुद्रा ८ लाख ६७ हजार, अमेरिकन डलर ३२००, ४१ मलेसियन रिँगिट र १०० दिराम बरामद गरिएको हो ।

निजलाई नियन्त्रणमा लिई थप अनुसन्धान गरिरहेको प्रहरीले जनाएको छ ।