दावासँगको संवाद बाहिरिएपछि महानिर्देशकबाट हटाइए झलकराम अधिकारी
काठमाडौं । सुन प्रकरणमा संलग्नताको आशंका गरिएका दावा छिरिङ शेर्पासँगको संवाद बाहिरिएपछि अध्यागमन विभागका महानिर्देशक झलकराम अधिकारी पदबाट हटाइएका छन् ।
उनलाई महानिर्देशकबाट पदच्युत गरेर गृह मन्त्रालय तानिएको छ ।
केही समयअघि त्रिभुवन अन्तर्राष्ट्रिय विमानस्थलबाट बरामद भएको ६० किलो सुन प्रकरणमा पक्राउ परेका शेर्पासँग अधिकारीको संवाद बाहिरिएको थियो ।
उनीहरू दुईबीच वीच्याटमा भएको संवाद सार्वजनिक भएको थियो । सार्वजनिक रूपमा प्रश्न उठिसकेपछि उनलाई आजै विभागबाट हटाइएको हो ।
तिब्बती मूलका बेल्जियन नागरिक शेर्पा यतिबेला सोही प्रकरणमा हिरासातमा छन् ।
प्रतिक्रिया