काठमाडौं । अमेरिकी परियोजना मिलिनियम च्यालेन्ज कर्पोरेसन(एमसिसी) आजबाट कार्यान्वयनमा आएको छ ।

आज अर्थ मन्त्रालयमा एक कार्यक्रमबीच अर्थमन्त्री प्रकाशशरण महत र एमसिसी कम्प्याक्ट सञ्चालनका उपध्यक्ष क्यामरुन अल्फोर्डले आजबाट यसको कार्यान्जयन भएको घोषणा गरेका छन् ।

आजबाट कार्यान्वयन सुरु भएसँगै एमसिसीको पञ्चवर्षे कार्य अवधीको गणना सुरु भएको छ ।

यो परियोजना अन्तर्गत ३१५ किलोमिटर विद्युत प्रशारण लाइन, सबस्टेसन र सडक मर्मतका आयोजना समावेश छन् ।

सम्झौता भएका यी आयोजनाहरू आजको मितिबाट सन् २०२८ को अगस्ट ३० सम्म सम्पन्न भइसक्नुपर्नेछ ।