काठमाडौं । अख्तियार दुरुपयोग अनुसन्धान आयोगले सप्तरीको विष्णुपुर गाउँपालिकाका अध्यक्ष उमेश प्रसाद यादवसहित ३ जनाविरुद्ध विशेष अदालतमा भ्रष्ट्राचारको मुद्दा दायर गरेको छ ।

अध्यक्ष यादवसहित लेखापाल टेक नारायण यादव एम.आई.एस. अपरेटर विरेन्द्र कुमार यादवलाई सेवाग्राहीबाट घुस लिएको आरोपमा आयोगको इटहरी कार्यालयबाट खटिई गएको टोलीले साउन ३१ गते नियन्त्रणमा लिएको थियो ।

उनिहरुले सोलार बत्ती जडान लगायत योजनाको भुक्तानी बापत सेवाग्राहीसँग २ लाख नगद र ३ लाख बराबरको चेक लिएको आयोगका प्रवक्ता भोला दाहालले जानकारी दिए ।

अनुसन्धानका क्रममा यो प्रकरणमा गाउँपालिका अध्यक्षकै मिलेमतो देखिएकाले विशेष अदालतमा भ्रष्टाचार मुद्दा दायर गरेको प्रवक्ता दाहालले जानकारी दिए ।