महेन्द्र राजमार्गमा परेको खाडल बम विस्फोटबाट भएको पुष्टि, द्वन्द्वकालमा राखिएको आशंका
काठमाडौं । पूर्वपश्चिम महेन्द्र राजमार्गमा परेको खाडल बम विस्फोटबाट भएको खुलेको छ ।
राप्ती सोनारी गाउँपालिका– ९ ढकेरीबाट दुई किलोमिटर पूर्व राजमार्गमा शंकाष्पद खाडल देखिएको थियो । तर उक्त खाडल विस्फोटबाट परेको प्रहरीले जनाएको छ ।
बम विस्फोट भएको स्थानमा नेपाली सेना र प्रहरीको टोलीले पुगेर अनुसन्धान गरेको थियो । जिल्ला प्रहरी कार्यालय बाँकेका डीएसपी नारायण डाँगीका अनुसार राजमार्गमा गए राति बम पड्किएको थियो ।
द्वन्द्वकालमा राखिएको बमको अवशेष पड्किएको हुन सक्ने उनले अनुमान गरे । माओवादीले चलाएको द्वन्द्वकालमा बिच्छ्याइएको हुन सक्ने अनुमान गरिएको उक्त बम विस्फोटबाट मानवीय क्षति भएको छैन ।
डीएसपी डाँगीका अनुसार विस्फोटबाट सडकको केही भाग उडेर खाडल परेको थियो । अहिले सडक विभागले खाडल पुरिसकेको छ भने राजमार्गमा सवारी साधन चलिरहेका छन् ।
ताजा अपडेट
-
समपूरक र विशेष अनुदानका लागि मधेस प्रदेशबाट प्रस्ताव परेन, क्रमागत आयोजनाले बजेट नपाउने
-
भित्तामा पुग्दासमेत उपेन्द्रलाई सत्ताको लोभ : जसले पार्टी फुटाइदियो उसैको शरणमा !
-
कबोलअनुसार काम नगर्ने २७ निर्माण तथा आपूर्ति कम्पनीलाई स्पष्टीकरण
-
एउटा सरकार हुँदाहुँदै कोशीमा अर्को सरकार गठनको आह्वान, अदालत जाने तयारीमा मुख्यमन्त्री
-
कोशी, मधेस, बागमती, गण्डकी र लुम्बिनी प्रदेशमा आज वर्षाको सम्भावना
प्रतिक्रिया