काठमाडौं । नेकपा (एकीकृत समाजवादी) को ६७ औं सचिवालय बैठक आज बिहीबार बस्दैछ ।

पार्टीका उपाध्यक्ष प्रमेशकुमार हमालले दिएको जानकारी अनुसार आलोकनगरस्थित पार्टी कार्यलयमा बिहान १० बजेका लागि बैठक बस्ने तय भएको हो ।

पार्टीले यही असोज १४ देखि २९ गतेसम्म गर्न लागेको समाजवादी जागरण यात्राबारे बैठक केन्द्रित हुनेछ ।

एकीकृत समाजवादीले सार्वजनिक सेवा प्रवाहमा भइरहेको ढिलासुस्ती, भ्रष्टाचार र कमिशनतन्त्रविरूद्ध, महिला तथा बालबालिकामाथि हुने उत्पीडन, यौनहिंसा र बेचबिखन, जातीय विभेद, छुवाछुत, दाइजो तथा तिलक, छाउपडीलगायत समाजमा रहेका कुप्रथाविरूद्ध समाजवादी जागरण यात्रा आयोजना गर्दै छ।