काठमाडौं । सभामुख देवराज घिमिरेले विद्यालय शिक्षासम्बन्धी विधेयक सकेसम्म सर्वसम्मतरुपमा टुङ्ग्याउने बताएका छन् ।

आयरल्याण्ड भ्रमण सकेर आइतबार स्वदेश फर्किएको सभामुख घिमिरेले विधेयकलाई सकेसम्म सर्वसम्मत र नभए नियमित प्रक्रियाबाट टुङ्ग्याउने बताएका हुन् ।

उनले त्रिभुवन विमानस्थलमा पत्रकारसँगको उनले भने, ‘जे हुनुपर्छ त्यहि हुन्छ । विधेयकहरुमाथि छलफल गर्ने, बहस गर्ने, संसदमा सहमती खोज्ने र टुंग्याउने अथवा सहमती नभए नियमित प्रक्रियाबाट टुंग्याउने मेरो भूमिका हुन्छ ।

उनले भ्रमणका क्रममा आयरल्याण्डका राष्ट्रपति, माथिल्लो सदनका अध्यक्ष, तल्लो सदनका सभामुख, शिक्षा मामिला हेर्ने राज्यमन्त्री लगायतसँग भेटवार्ता गरेको बताए ।

सभामुखको भ्रमण टोलीमा प्रतिनिधि सभाका सचिव पद्मप्रसाद पाण्डेय र सभामुखका स्वकीय सचिव तेजप्रकाश भट्टराई सहभागी थिए । उनीहरु भदौ ३१ गते आयरल्याण्ड प्रस्थान गरेका थिए ।