काठमाडौं । राष्ट्रिय स्वतन्त्र पार्टी चितवनका पूर्वसभापति धर्मेन्द्र सापकोटा प्रभु साह नेतृत्वको आम जनता पार्टीमा प्रवेश गरेका छन् ।

बुधवार पार्टी कार्यालयमा आयोजित एक कार्यक्रममा अध्यक्ष साहले उनलाई पार्टीमा स्वागत गरेका छन् ।

विगत १५ वर्षदेखि विभिन्न टेलीभिजनमा प्रमुख कार्यकारी भएर काम गर्दै आएका सापकोटाले पुराना पार्टीहरु देश बर्बाद गर्न लागि परेकोले देश बचाउन आम जनता पार्टीको आवश्यकता महसुस गरेर प्रवेश गरेको बताए ।