काठमाडौं । काठमाडौं महानगरपालिकाले सवारी आवागमनलाई थप व्यवस्थित बनाउन विभिन्न खडक खण्डलाई ‘वान वे’ बनाउने भएको छ ।

आगामी कात्तिक १ गतेदेखि लागू हुने गरी कामनपा वडा नं. १, ११ र २८ भित्र पर्ने सडकमा वान वे लागू गरिने महानगरले जारी गरेको सूचनामा उल्लेख छ ।

जस अन्तर्गत वडा नं. ११ त्रिपुरेश्वर मूल सडक खण्डको दक्षिणतर्फ त्रिपुरेश्वरबाट गुसिंगाल–सेतोपुल–मिलन मार्गतर्फ सवारी जानमात्र दिइने छ ।

वडा नंं. २८ पुतलीसडक, मूल सडक खण्डको पश्चिमतर्फ कमलादी मोडबाट घण्टाघरतर्फ जान मात्र पाइने छ ।

त्यस्तै वडा नं. १ र २८ मा पर्ने दरबार मार्ग मूल सडकको पूर्वतर्फ महेन्द्र सालिकदेखि कृष्ण पाउरोटी चोक (कमल पोखरी) सम्म जान मात्र पाइने महानगरले जनाएको छ ।