एजेन्सी । अमेरिकी राष्ट्रपति जो बाइडेनले बुधवार इजरायल जाने भएका छन् ।

विदेशमन्त्री एन्टोनी ब्लिन्केनले राष्ट्रपतिको भ्रमणबारे घोषणा गरेका हुन् ।

अमेरिकी कुटनीतिज्ञ एन्टोनी ब्लिन्केन र इजरायलका प्रधानमन्त्री बेल्जामिन न्याहु सोमबार सात घण्टा बैठक बसेका थिए । । न्याहुको निमन्त्रणामा बाइडेनले इजरायलको भ्रमण गर्ने भएका छन् ।

विदेशमन्त्रीका ब्लिन्केनका अनुसार बाइडेनले इजरायबाट कसरी नागरिकको सुरक्षाका लागि कार्य सञ्चालन गर्न सकिन्छ भन्नेबारे बुझ्नेछन् । उनले गाजामा प्यालेस्टिनी नागरिकहरुलाई सहयोग गर्न अनुमती दिने विषयमा पनि छलफल गर्ने छन् ।

अमेरिकाको नेशनल सेक्युरिटी काउन्सिलका प्रवक्ता जोन किर्बीले बाइडेनको भ्रमणको मुख्य लक्ष्य इजरायलसँग ऐक्यबद्धता व्यक्त गर्नु र गाजाका नागरिकहरुलाई सहयोग प्रदान गर्नु भएको बताएका छन् ।

किर्बीले भने, ‘उनले मानवीय सहयोगको मुद्दामा छलफल गर्नेछन् ।’

इजरायल भ्रमण पछि बाइडेन इजरायल जोर्डन जाने भएका छन् । त्यहाँ उनले जोर्डनका राजा अब्दुल्लाह, इजिप्टका राष्ट्रपति अल–सिसी र प्यालेस्टिनी प्राधिकरणका अध्यक्ष महमूद अब्बाससँग भेट गर्नेछन् ।