NepalWatch

News Portal For Eeverything In Nepal from Nepal

२०८० फागुन ११ गते

सिमेन्ट निर्यातमा उल्लेखीय सुधार, चार महिनामै १ अर्ब १३ करोडको निर्यात

काठमाडाैं । केही वर्षअघि सिमेन्ट र क्लिंकरमा परनिर्भर नेपालले पछिल्लो समय उत्साहजनक निर्यात गरेको छ । नेपालले छिमेकी मुलुक भारतमा सिमेन्ट निर्यात गर्दै आएको छ ।

भन्सार विभागकाअनुसार चालु आर्थिक वर्ष ०८०/०८१ को पहिलो चार महिना (साउन-कार्तिक) मसान्तसम्ममा १ अर्ब १३ करोड ७ लाख रूपैयाँ बराबरको ८ लाख टन सिमेन्ट र क्लिंकर भारत निर्यात भएको छ । जसमध्ये ५८ करोड ५७ लाख ८७ हजार रूपैयाँको १ लाख ७४ हजार टन क्लिंकर निर्यात भएको छ भने ५४ करोड ४९ लाख बराबरको ६ लाख ३१ हजार टन तयारी सिमेन्ट भारत निर्यात भएको विभागको तथ्यांक छ ।

नेपालले गत वर्ष २०७९ साउनदेखि सिमेन्ट निर्यात थालेको थियो। गत आर्थिक वर्षमा ७७ करोड ९३ लाख रूपैयाँको सिमेन्ट निर्यात गरेको छ ।

विभागका अनुसार गत वर्षको साउनदेखि कार्तिक मसान्तसम्ममा २ करोड १५ लाख रूपैयाँको ६० हजार टन सिमेन्ट निर्यात गरेको छ । जसमध्ये क्लिंकर मात्रै ८० लाख रूपैयाँको एक हजार टन र १ करोड ३५ लाखको ५९ हजार टन तयारी सिमेन्ट निर्यात भएको छ ।

कुन महिना कति निर्यात ?

२०७९/०८०

साउन ४९ लाख

भदौ  ४० लाख

असोज १ करोड २६ लाख

कार्तिक १ करोड ३५ लाख

०८०/०८१

साउन २३ करोड ४९ लाख

भदौ १८ करोड ३५ लाख

असोज ४३ करोड ४६ लाख

कार्तिक २७ करोड २७ लाख