NepalWatch

News Portal For Eeverything In Nepal from Nepal

२०८० फागुन ८ गते

विमानस्थलबाट पुन: साढे ६ किलो सुन बरामद

काठमाडौं । त्रिभुवन अन्तर्राष्ट्रिय विमानस्थलबाट पुन साढे ६ किलो सुन बरामद भएको छ । भन्सारबाट बाहिरिसकेपछि प्रहरीको टोलीले सुन बरामद गरेको हो ।

विमानस्थल सुरक्षा प्रहरी कार्यालयका डिआइजी अर्जुन चन्द ठकुरीले फ्लाइ दुबईको जहाजमा आएका यात्रुको साथबाट गए राति साढे ६ केजी सुन बरामद गरिएको बताए । सुनसहित इजिप्टका नागरिक सरिफ मोहमद लासिम पक्राउ परेका छन् ।

गए राति ११ बजेर ५१ मिनेटमा फ्लाइ दुबईको जहाज अवतरण भएको थियो । सुराकीको आधारमा प्रहरीले फलो गरेको थियो । राति १२: ४५ बजे चेकजाँच गर्दा ज्याकेटमा खल्ती बनाएर छ थान बिस्कुटजस्तो अर्ध ठोस अवस्थाको सुन बरामद गरिएको ठकुरीले बताए ।

प्रहरीले इजिप्टका ती नागरिकसँग संलग्न भएको आशंकामा थप दुई सुडानी नागरिकहरुलाई पनि पक्राउ गरेको छ । यद्यपि, उनीहरुले आफ्नो संलग्नता स्वीकारेका छैनन् ।

सोही विमानमार्फत गोरखाका चन्द्र घले गत बिहीबार १४ किलो सुनसहित पक्राउ परेका थिए ।