काठमाडौं । सिटिजन्स बैंक इन्टरनेसनल लिमिटेड र सिद्धि हाइड्रोपावर कम्पनीबीच १० मेटावाट क्षमताको सिद्धि खोला जलविद्युत आयोजना निमार्ण गर्न कर्जा दिने सम्झौता भएको छ ।

इलाम जिल्लाको साविक समलबुङ र जिर्मले गाविसमा उक्त आयोजना निमाण हुन लागेको हो । बिहीबार बैंकका प्रमुख कन्र्सोटियम रोशन मल्ल र सिद्धि हाइड्रोपावर कम्पनीका प्रबन्ध संचालक सन्तोष राज नेपालले सो कर्जा सम्झौतामा हस्ताक्षर गरेका हुन् ।

परियोजनाको अनुमानित लागत करीब एक अर्ब ७३ करोडमा बैंकले एक अर्ब २० करोड बराबरको कर्जा दिने उक्त सम्झौतामा उल्लेख छ । कम्पनीका अनुसार आयोजनाबाट हिउँदमा ८.८०५ गिगावाट र वर्षामा ४६.९११ गिगावाट घण्टा गरी वार्षिक ५५.७१६ गिगावाट विद्युत उत्पादन गर्ने छ ।

सिटिजन्स बैंकले हाल देशभरका आफ्ना १९० शाखा, १५१ एटिएम र ९७ वटा शाखा रहित बैंकिङ इकाईहरुबाट १६ लाख ९६ हजार ग्राहकलाई बैंकिङ सेवाहरु प्रदान गर्दै आइरहेको छ ।