काठमाडौं । राष्ट्रियसभा सदस्य निर्वाचनका लागि विभिन्न क्लस्टरमा उम्मेदवारी दिएकाहरूविरूद्ध आज उजुरी दिन सकिनेछ।

निर्वाचन आयोगका अनुसार सोमबार मनोनयन दर्ता गराएका उम्मेदवारविरुद्ध आज दाबीविरोध र उजुरी दिन सकिने कार्यतालिका रहेको छ ।

उम्मेदवारविरुद्ध परेको उजुरीको बुधबार र बिहीबार जाँचबुझ गरी नामावली प्रकाशन गर्ने आयोगले जनाएको छ ।

त्यस्तै, पुसको २७ गते उम्मेदवारी फिर्ता लिने दिन तोकिएको छ। र, त्यही दिन उम्मेदवारको अन्तिम नामावली प्रकाशन गर्ने आयोगले जनाएको छ ।

माघ ११ गते १९ पदका लागि हुने निर्वाचनमा ८ पार्टीका ५२ जना उम्मेदवारले सोमबार मनोनयन दर्ता गराएका छन् ।