काठमाडौं । राष्ट्रिय समन्वय परिषद्को दोस्रो बैठक बिहान ११ बजे सिंहदरबारमा बस्दै छ ।

प्रधानमन्त्रीको अध्यक्षतामा बस्ने बैठकमा सातै प्रदेशका मुख्यमन्त्री, मुख्यसचिव, योजना आयोगका प्रतिनिधि, मन्त्रालयका सचिवहरु तथा नगरपालिका संघ, गाउँपालिका महासंघका प्रतिनिधिहरुले सहभागिता जनाउने छन् ।

बैठकमा परिषद्को पहिलो बैठकका निर्णयको समीक्षा र कार्यविस्तृतीकरणलाई अन्तिम रुप दिनेबारे छलफल हुनेछ ।

परिषद्को पहिलो बैठक गत असारमा पोखरामा बसेको थियो । सो बैठकमा संघीयता कार्यान्वयनको क्रममा संघ, प्रदेश र स्थानीय तहबीच देखिएका क्षेत्राधिकारका विवाद लगायतका समस्या ६ महिनाभित्र हटाउने लगायतका निर्णय भएको थियो ।