काठमाडौं । नेपाल राष्ट्र बैंकले १२ अर्ब २३ करोड रुपैयाँ बढीको आन्तरिक ऋण नवीकरण गर्ने भएको छ।

यी ट्रेजरी बिल फागुन ८ गते जारी हुनेछ। यसको बोलकबोल आउँदो मंगलबार फागुन ८ गते दिउँसो ३ बजे हुने केन्द्रिय बैंकले जनाएको छ ।

राष्ट्र बैंकले २८ दिने र ९१ दिने ट्रेजरी बिल जारी गर्न लागेको हो। राष्ट्र बैंकले ५ अर्ब रुपैयाँको २८ दिने ट्रेजरी बिल जारी गर्न लागेको छ । जुन २०८० चैत्र ६ गते परिपक्क हुनेछ । त्यस्तै ९१ दिनको लागि ७ अर्ब २३ करोड ३२ लाख रुपैयाँको ट्रेजरी बिल जारी गर्न लागेको छ । यी ट्रेजरी २०८१ जेठ ८ गते परिपक्व हुने।

ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो। सोही प्रयोजनका लागि राष्ट्र बैंकले ट्रेजरी बिल नवीकरण गर्न लागेको हो।