काठमाडौं । काठमाडौंको गोकर्णेश्वर नगरपालिका–५ नयाँबस्ती क्लब नजिक शनिबार भएको दुर्घटनामा मोटरसाइकल चालकको मृत्यु भएको छ ।

बा.३३ प १४९६ नम्बरको मोटरसाइकल आफै अनियन्त्रित भई शनिबार बिहान दुर्घटना हुँदा मोटरसाइकलमा सवार कागेश्वरी मनोहरा नगरपालिका–८ गोठाटार बस्ने ३० वर्षीय गोपाल सुनारको मृत्यु भएको छ । दुर्घटनामा गम्भीर घाइते भएका उनको टिचिङ अस्पताल महाराजगंजमा उपचारको क्रममा मृत्यु भएको प्रहरीले जनाएको छ ।