काठमाडौं । चिनियाँ ब्रान्डको बिवाईडी गाडी आयात र बिक्रि गर्दै आएको कम्पनी साइमेक्स इंकले कर छली गरेको आशंकामा छानविन सुरु भएको छ । राजश्व अनुसन्धान विभागले कम्पनीबाट सबै कागजपत्र झिकाएर छानविन थालेको हो ।
उच्च क्षमताका गाडी आयात गर्दा कम क्षमताको भनेर नक्कली बिलबिजक पेश गरेको आशंकामा विभागले छानविन थालेको हो । प्रारम्भिक छानविनमा कैफियत देखिएपछि विस्तृत अनुसन्धान अघि बढाइएको विभागका महानिर्देशक चक्रबहादुर बुढाले बताएका छन् । साथै, कम्पनीले आयकर पनि छली गरेको उजुरी परेको छ ।
यसअघि भन्सार विभागले पनि प्रज्ञापनपत्रमा बिलमा रहेको भन्दा फरक विवरण राखेर कर छली गरेको भन्दै सो कम्पनीलाई जरिवाना तिराएको थियो ।