काठमाडौं । आठ सैनिक महाविद्यालयले कक्षा ११ मा भर्ना आह्वान गरेका छन् । एसइईको नतिजा प्रकाशित भएको भोलिपल्ट संयुक्त सूचना प्रकाशित गरेर ६ महाविद्यालयले भर्ना आह्वान गरेका हुन् ।

विद्यार्थी भर्ना आह्वान गरिएका महाविद्यालयहरूमा सैनिक आवासीय महाविद्यालय, भक्तपुर, सैनिक आवासीय महाविद्यालय, पोखरा, सैनिक आवासीय महाविद्यालय, धरान, सैनिक आवासीय महाविद्यालय, सुर्खेत, सैनिक आवासीय महाविद्यालय, कैलाली, सैनिक आवासीय महाविद्यालय, चितवन, विजेश्वरी ज्ञानमन्दिर सैनिक महाविद्यालय, विजेश्वरी काठमाडौं र रिपुमर्दिनी सैनिक महाविद्यालय, बाँसबारीमा भर्ना आह्वान गरिएको हो ।

सैनिक तथा गैरसैनिक दुवैतर्फका विद्यार्थीले असार १४ देखि २६ गतेसम्म आवेदन दिन सक्नेछन् ।

लिखित प्रवेश परीक्षा ०८१ असार २९ गते सञ्चालन हुने सूचनामा उल्लेख छ ।