काठमाडौं । नेकपा एमालेले पनि सचिवालय बैठक बोलाएको छ । कांग्रेससँग भएको सत्तासहकार्य सम्बन्धी सम्झौतालाई अनुमोदन गर्न उसले सचिवालय बैठक आह्वान गरेको हो ।

कांग्रेससँगको सहमतिबारे छलफल गर्न मंगलबार दिउँसो ३ बजेका लागि पार्टी सचिवालय बैठक आह्वान गरिएको एमालेका एक नेताले बताए ।

नेकपा एमालेले मध्यराति माओवादीसँगको सहकार्य त्याग्दै कांग्रेससँग सत्तासाझेदारी गर्ने सहमति गरेको छ । सहमतिअनुसार अब पहिलो चरणमा एमाले र दोस्रो चरणमा कांग्रेसले आलोपालो सरकारको नेतृत्व गर्नेछन् । एमालेको यस्तो कदमसँगै देशको राजनीति तीव्र तरंगित भइरहेको छ ।