काठमाडाैं । बैंकिङ प्रणालीमा अधिक तरलता कायमै छ ।  अधिक तरलता व्यवस्थापनको लागि नेपाल राष्ट्र बैंकले १ खर्ब रुपैयाँ तरलता खिच्ने भएको छ ।

केन्द्रीय बैंकले २१ दिनको लागि उक्त उपकरण प्रयोग गर्न लागेको हो । नेपाल राष्ट्र बैंकले आज निक्षेप संकलन उपकरण बोलकबोलमार्फत १ खर्ब तरलता खिच्न लागिएको छ । उक्त उपकरणको सावाँ र ब्याज २३ भदौमा भुक्तानी हुनेछ ।

यसको ब्याजदर भने बोलकबोल बाटै निर्धारण हुनेछ । बैंक तथा वित्तीय सस्थाहरुले न्यूनतम १० करोड र अधिकतम ५ करोडले निःशेष भाग जानेगरी निष्कासित रकम बराबरको माग गर्न सक्नेछन् ।

इच्छुक बैंक तथा वित्तीय संस्थाले आज दिउँसो २ बजेसम्म बोलकबोलमार्फत आवेदन दिन सक्नेछन् । बजारमा रहेको अधिक तरलता व्यवस्थापनका लागि राष्ट्र बैंकले निक्षेप संकलन उपकरण प्रयोग गर्दै आएको छ ।