काठमाडौं । सरकारले ४० सहसचिवको सरुवा गरेको छ । सरुवामा विभिन्न कार्यालयका प्रमुख पनि फेरिएका छन् ।

यातायात व्यवस्था विभागका महानिर्दशक उद्धव प्रसाद रिजालको मधेस प्रदेशमा सरुवा भएको छ । त्यस्तै, सूचना तथा प्रशासन विभागका बलराज रिजालको संघीय मामिला तथा सामान्य प्रशासन मन्त्रालयमा जिम्मेवार तोकिएको छ ।

रामेछापकी सिडिओ अनिता निरौलाको शिक्षा मन्त्रालयमा सरुवा भएको छ । पाँच जना सहसचिवहरुलाई अन्यत्रबाट गृह मन्त्रालयमा लगिएको छ । सुमन घिमिरे, श्यामकृष्ण थापा, उमेश ढकाल, प्रकाश पौडेल र गोविन्द रिजालको गृहमा सरुवा भएको छ ।

काठमाडौं महानगरपालिकाको प्रमुख प्रशासकीय अधिकृत पनि फेरिएका छन् । हाल कार्यरत प्रदीप परियारको सञ्चार मन्त्रालयमा सरुवा भएको छ भने वाणिज्य मन्त्रालयका सरोज गुरागाईलाई महानगरपालिकाको प्रमुख प्रशासकीय अधिकृतमा पठाइएको छ । २७ भदौमा बसेको मन्त्रिपरिषद्को बैठकले गरेको सरुवाको निर्णय आइतबार सार्वजनिक भएको हो ।

यस्तो छ सरुवा सूचीः