काठमाडौं । काठमाडौं महानगरपालिकाले आफ्नो क्षेत्रभित्र प्लास्टिकजन्य फोहोर जलाउन निषेध गरेको छ ।

प्लास्टिकजन्य फोहोरमैला तथा अन्य फोहोर जलाउने कार्यले वायु प्रदूषण वृद्धि हुनुका साथै जनस्वास्थ्यमा समेत प्रतिकूल असर परेको भन्दै महानगरपालिकाले यस्ता फोहोर जलाउन निषेध गरेको हो ।

काठमाडौं महानगरपालिकाले सोमबार एक सूचना जारी गर्दै कोही कसैबाट यस्ता कार्य गरेको पाइएमा काठमाडौं महानगरपालिका वातावरण तथा प्राकृतिक स्रोत संरक्षण ऐन, २०७७ तथा आर्थिक ऐन, २०८१ बमोजिम कारबाही गर्ने चेतावनी दिएको छ ।

यी ऐनमा कसैले खुला रूपमा फोहोर गरेमा वा प्लास्टिकजन्य फोहोर बालेर वातावरण प्रदूषण गरेर नगद जरिवाना गर्नेलगायत व्यवस्था छन् ।