काठमाडौं । नेपाल चेम्बर अफ कमर्सका निवर्तमान अध्यक्ष एवं नेपाल निर्जीवन व्यवसायी संघका अध्यक्ष राजेन्द्र मल्ल विशिष्ट वाणिज्य सेवा पदकबाट सम्मानित भएका छन् ।

नेपालको उद्योग क्षेत्रको विकासमा पु–याएको योगदानको कदरस्वरूप तेस्रो विराट म्युजिक एण्ड फिल्म अवार्ड, २०८१ कार्यक्रममा मल्ललाई सम्मान गरिएको हो ।

सेलिब्रेटी नेपाल प्रतिष्ठानले आयोजना गरेको कार्यक्रममा पूर्व भौतिक पूर्वाधार तथा यातायात मन्त्री प्रकाश ज्वाला र चलचित्र विकास बोर्डका अध्यक्ष दिनेश डिसीले मल्ललाई संयुक्त रूपमा सम्मान गरे ।

व्यावसायिक नेतृत्वमा रहेर पनि मल्लले सामाजिक क्षेत्रमा योगदान पु–याउनु भएकाले मल्ललाई सम्मान गरिएको आयोजकको भनाइ छ ।

विगत ४० वर्षदेखि व्यावसायिक क्षेत्रको विकासमा नेतृत्वदायी भूमिका खेल्दै आएका मल्लले सामाजिक क्षेत्रमा समेत विभिन्न अभियान चलाउँदै आइरहेका छन् ।

सम्मानपछि मल्लले सामाजिक क्षेत्रमा थप काम गर्न आफूलाई प्रेरणा मिलेको बताए ।