काठमाडौं । अमेरिकाको राजधानी वासिङ्टन डिसीमा उडिरहेको अमेरिकन एयरलाइन्सको विमान र हेलिकप्टर ठोक्किएका छन् । विमान र हेलिकप्टरमा ६० यात्रु र चार जना चालक दलका सदस्य सवार थिए ।

रेगन वासिङ्टन राष्ट्रिय विमानस्थल नजिकै स्थानीय समय अनुसार राति ९ बजे दुर्घटना भएको हो ।

अमेरिकाको फेडरल एभिएसन एड्मिनिस्ट्रेसनले विमान र हेलिकप्टर ठोक्किएको पुष्टि गर्दै यसमाथि अनुसन्धान भइरहेको जनाएको छ ।

रेडन एअरपोर्टले सामाजिक सञ्जाल एक्समा हेलिकप्टरसँग ठोक्किएको विमान पोटोम्याक नदीमा खसेको उल्लेख गरेको छ । दुर्घटनापछि सबै उडानहरू स्थगित गरिएको छ ।

अमेरिकन एयरलाइन्सले विमानमा ६० यात्रु र ४ चालक दलका सदस्य रहेको पुष्टि गरेको छ।

बिबिसीका अनुसार, वासिङ्टन डिसीको आपतकालीन उद्धार टोली रेगन राष्ट्रिय विमानस्थल पुगेको छ। त्यहाँ धेरै एम्बुलेन्स र दमकलहरू देख्न सकिन्छ।