काठमाडौं । देशका विभिन्न भागमा सञ्चालित सैनिक महाविद्यालय र विद्यालयमा भर्ना आह्वान गरिएको छ ।

नेपाली सेनाले १० महाविद्यालय र १ विद्यालयका विभिन्न कक्षामा नयाँ शैक्षिक सत्रका लागि भर्ना आह्वान गरेको हो ।

भर्ना आह्वान भएका स्कुलहरूमा सैनिक आवासीय महाविद्यालय सल्लाघारी, भक्तपुर, फूलबारी पोखरा, धरान, सुनसरी, मंगलगढी, सुर्खेत, तेघरी कैलाली, चैनपुर, चितवन, बर्दिवास, बुटवल, विजेश्वरी ज्ञान मन्दिर महाविद्यालय, विजेश्वरी, काठमाडौं र रिपूमर्दिनी महाविद्यालय, बाँसबारी, काठमाडौं छन् । त्यसैगरी, श्वेततारा मन्टेश्वरी सैनिक विद्यालय, छाउनीमा पनि प्लेग्रुप, नर्सरी, एलकेजी र युकेजीमा भर्ना आह्वान गरिएको छ ।

सूचनाअनुसार, बहालवाला, भूतपूर्व सैनिकदेखि गैरसैनिकका छोराछोरीसम्मले भर्नाका लागि आवेदन दिन सक्नेछन् ।

आवेदन यही चैत ३ गतेदेखि १३ गतेसम्म दिन सकिनेछ भने छनोटका लागि चैत १६ गते शनिबार प्रवेश परीक्षा हुनेछ ।

हेर्नुहोस् सूचना