काठमाडौं । पाकिस्तानी सेनाको आक्रमणमा तीन भारतीय नागरिकको मृत्यु भएको छ । काश्मिरमा पाकिस्तानी सेनाले गरेको आक्रमणमा तीन भारतीयको ज्यान गएको हो ।

समाचार संस्था रोयटर्स र एएफपीले भारतीय सेनालाई उद्धृत गर्दै कश्मीरमा पाकिस्तानी सेनाको गोलाबारीमा तीन भारतीय नागरिकले ज्यान गुमाएको जनाएका छन् ।

यसैबीच, पाकिस्तानी सेनाका प्रवक्ता लेफ्टिनेन्ट जनरल अहमद शरिफ चौधरीले भारतको आक्रमणमा दुई जना बालबालिकासहित सात जनाको मृत्यु भएको जनाएका छन्।

उनका अनुसार ती आक्रमणहरूमा एक मस्जिदलाई समेत निशाना बनाइएको थियो ।

भारतको उक्त आक्रमणप्रति पाकिस्तानका प्रधानमन्त्री शहबाज शरीफले प्रतिक्रिया दिँदै पाकिस्तानलाई त्यसको जवाफ दिने पूर्ण अधिकार रहेको बताएका छन् ।