काठमाडौँ – नेकपा एमालेको निर्वाचनको मत परिणाम सार्वजनिक भएको छ। प्यानलगत प्रतिस्पर्धामा अधिकांश पदमा अध्यक्ष केपी शर्मा ओली पक्षका उम्मेदवार विजयी भएका छन्।

अध्यक्ष पदमा केपी शर्मा ओली भारी मतान्तरसहित विजयी भएका छन्। उनका प्रतिस्पर्धी ईश्वर पोखरेलले अपेक्षाकृत कम मत प्राप्त गरे। महासचिव पदमा कडा प्रतिस्पर्धा भए पनि संस्थापन पक्षका शंकर पोखरेल दुई सयभन्दा बढी मतले विजयी भएका छन्।

यद्यपि, संस्थापन इतर अर्थात् ईश्वर पोखरेल प्यानलबाट उपाध्यक्षमा गोकर्ण बिष्ट र उपमहासचिवमा योगेश भट्टराई विजयी भएका छन्। १९ सदस्यीय पदाधिकारी टिममध्ये १७ जना संस्थापन पक्षका नेताहरू निर्वाचित भएका छन्।

निर्वाचित पदाधिकारीहरू

अध्यक्ष
केपी शर्मा ओली

उपाध्यक्ष
पृथ्वी सुब्बा गुरुङ
बिष्णु पौडेल
रामबहादुर थापा ‘बादल’
गोकर्ण बिष्ट
रघुजी पन्त

महासचिव
शंकर पोखरेल

उपमहासचिव
लेखराज भट्ट
रघुवीर महासेठ
योगेश भट्टराई

सचिव
महेश बस्नेत
पद्माकुमारी अर्याल
छविलाल विश्वकर्मा
शेरधन राई
हिक्मत कुमार कार्की
खगराज अधिकारी
यामलाल कँडेल
राजन भट्टराई
भानुभक्त ढकाल