मेयर शाहसँग तत्काल जरिवाना नलिन निर्वाचन आयोगलाई सर्वोच्चको अन्तरिम आदेश

भारतको सिक्किममा भएको सुरुङ दुर्घटनामा नौ मजदुरको मृत्यु, १५ जना अझै बेपत्ता

मेयर शाहसँग तत्काल जरिवाना नलिन निर्वाचन आयोगलाई सर्वोच्चको अन्तरिम आदेश

नेपालवाच २०७९ फागुन ३ गते १८:२८

काठमाडौं । सर्वोच्च अदालतले काठमाडौं महानगरपालिकाका मेयर बालेन शाहसँग तत्काल जरिवाना नलिन अन्तरिम आदेश जारी गरेको छ ।

बुधबार संवैधानिक इजलासले निर्वाचन खर्च विवरण समयमा नबुझाएको आधारमा शाहसँग जरिवाना नअसुल्न अन्तरिम आदेश दिएको हो ।

तोकिएको समयमा निर्वाचनको खर्च विवरण नबुझाउनेहरुले जरिवाना बुझाउनुपर्ने भनी निर्वाचन आयोगले गरेको निर्णयविरुद्ध मेयर शाहले सर्वोच्चमा मुद्दा दायर गरेका थिए । सोही मुद्दामा सुनुवाई गर्दै सर्वोच्च अदालतले आन्तरिम आदेश दिएपछि समयमा जरिवाना नतिर्ने जनप्रतिनिधिहरूलाई राहत मिलेको छ ।