नेपाल बसेर गैरकानुनी सम्पत्ति जोड्ने भारतीय मूलका नागरिकविरूद्ध मुद्दा
काठमाडौं । भारत घर भइ हाल काठमाडौंको कागेश्वरी मनहरास्थित गोठाटर काँडाघारी बस्दै आएका सुनिल कुमार सिंहविरुद्ध सम्पत्ति शुद्धिकरणसम्बन्धी मुद्दा दायर भएको छ ।
सिंहले विभिन्न आपराधिक तथा गैरकानुनी काममा संलग्न भइ ठूलो परिणाममा सम्पत्ति आर्जन गरेको आरोपमा आज सम्पत्ति शुद्धिकरण अनुसन्धान विभागले मुद्दा दायर गरेको हो ।
सिहं र उनकी श्रीमति मिना कार्कीले विभिन्न बैंक तथा वित्तीय संस्थामा १८ वटा खाता सञ्चालन गर्नुसँगै झापा, सुनसरी र भक्तपुरका विभिन्न ठाउँमा जग्गा खरिद गरेको पाइएको छ । सम्पत्तिको गैरकानुनी स्रोत लुकाउने र स्वामित्व पनि परिवर्तन गर्ने गरेको खुलेको विभागले जनाएको छ ।
उनी संगठित रूपमा मानव अपहरण तथा शरीर बन्दक, अवैध हातहतियारमा संलग्न हुनुका साथै झुट्ठा विवरण पेश गरी नेपाली नागरिकताको प्रमाण पत्र तथा रहदानी समेत लिएको पाइएको छ । यी मुद्दामा उनलाई विभिन्न मितिमा सजाय हुने ठहर गरी फैसलासमेत भएको छ ।
उनलाई विभागले एक करोड ५५ लाख ७६ हजार पाँच सय ७८ रूपैयाँ बिगो माग दाबी सँगै प्रचलित कानुनअनुसारको सजाय र सम्पत्ति जफतको मागसहित मुद्दा दायर भएको छ ।
त्यस्तै उनकी श्रीमति कार्की विरूद्ध एक करोड ६० लाख ८५ हजार चार सय २० रूपैयाँ सहित कानुनबमोजिम सजाय र सम्पत्ति जफतको मागसहित मुद्दा दायर भएको छ ।
ताजा अपडेट
-
जेठ १४ गते वागमती सरकारको नीति तथा कार्यक्रम प्रस्तुत गर्ने
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
प्रतिक्रिया