काठमाडौं । नेकपा एमालेका बागमती प्रदेश कमिटी सदस्य नारायण घिमिरे विष सेवन गरेको अवस्थामा काठमाडौंको एक होटलमा फेला परेका छन् ।

जमलस्थित कैलाश होटलमा मंगलबार विष सेवन गरी अर्धचेत रहेको अवस्थामा उनी फेला परेका हुन् ।

जिल्ला प्रहरी परिसर, काठमाडौंले होटलमा विष सेवन गरेको अवस्था भेटिएका घिमिरेलाई उद्धार गरेर वीर अस्पतालमा भर्ना गरिएको जनाएको छ ।

विदुर–११, नुवाकोटका स्थायी बासिन्दा घिमिरे बेपत्ता भएपछि परिवारका सदस्यले खोजीका लागि प्रहरीमा निवेदन दिएका थिए । लगत्तै प्रहरीले खोजी थालेकोमा उनी कैलाश होटलमा भेटिएका हुन् ।

प्रहरीले घिमिरे बसेको कोठाबाट सुसाइड नोट फेला पारे पनि त्यसबारे सार्वजनिक गरेको छैन ।